Қазақстанның мыңжылдықта тұрақты даму мақсаттарына қол жеткізудегі туристік саласының үлесі

Аннотация

Зерттеу мақсаты - ҚР туризмінің туристік саласының дамуын талдау, саланың тұрақты дамуының жаһандық индикаторларын зерделеу, проблемаларды анықтау және туризмнің бәсекеге қабілеттілігіне әсер ететін факторларды анықтау. Қазақстанда БҰҰ-ның «ХХІ ғасырға арналған күн тәртібінде» белгіленген орнықты даму мақсаттары ойдағыдай орындалуда. Зерттеудің әдіснамалық негізі - абстракциялау әдістері, ғылыми талдау, алынған ақпаратты синтездеу, жүйелік талдау, мәселенің сараптамалық көрінісі, сондай-ақ эмпирикалық әдістер: бақылау, салыстыру, себеп-салдарлық тәуелділіктерді анықтау болды. Қазақстанда туристік сала пандемиядан кейін қалпына келе бастады. Туризмнің бәсекеге қабілеттілігінің жаһандық рейтингісінде ел позициялары жақсаруда, Қазақстан «бағалық бәсекеге қабілеттілік, «туризмнің маусымдылығы», «табиғи ресурстар», «ЮНЕСКО-ның дүниежүзілік мәдени мұра нысандарының саны» сияқты көрсеткіштер бойынша жоғары бағаланды. Алайда, салаға айтарлықтай инвестициялар қажет, саланың кірісінің өсу қарқыны елдің ЖІӨ-нен артта, ал туризм индустриясына инвестициялау қарқыны жалпы ел экономикасына инвестициялау қарқынынан артта қалып отыр. Мәселелерді шешу үшін саланы цифрландыру және маркетинг белсенді енгізілуде, онлайн-платформалар құрылуда, танымал әлеуметтік желілердің ресурстары және әлемге әйгілі ақпараттық порталдардың алаңдары пайдаланылуда.