Алакөл жағалауында рекреациялық туризмді дамытудың тиімді тетіктерін әзірлеу

Аннотация

Мақала Қазақстанның ең тартымды туристік бағыттарының бірі – Алакөл жағалауында рекреациялық туризмді дамытудың тиімді тетіктерін әзірлеуге арналған. Жергілікті билік пен бизнес өкілдері тұрақты туристік инфрақұрылымды қалыптастыру процесінде кездесетін өзекті мәселелер, сондай-ақ туристерді тарту және қызмет көрсету сапасын жақсарту мүмкіндіктері қарастырылады. Жұмыста аймақтың туризм саласындағы қазіргі тенденциялары мен проблемалары, соның ішінде инфрақұрылымдық кемшіліктер, маусымдық және экологиялық қиындықтар талданады. Авторлар жергілікті өзін-өзі басқару органдарының, бизнес пен қоғамдастық өкілдерінің өзара әрекеттесуінің тиімді тетіктерін құру бойынша нақты ұсыныстарды, сонымен қатар аймақты маркетинг пен жылжытудың инновациялық тәсілдерін ұсынады. Ұсынылған стратегияларды талдау негізінде өңірдегі рекреациялық туризмді тұрақты дамыту үшін негізгі бағыттар айқындалды, бұл жергілікті тұрғындардың өмір сүру сапасын жақсартуға және өңірдің ішкі және халықаралық туристік нарықтағы тартымдылығын арттыруға ықпал етеді. Қорытындылай келе, мақалада мемлекеттік органдарға, жергілікті қоғамдастықтарға және жеке секторға Алакөл жағалауында рекреациялық туризмнің тұрақты дамуына ықпал ететін кешенді стратегияны құру бойынша ұсыныстар жасалады.