Интегративтік тәсіл негізінде болашақ дене шынықтыру мұғалімдерінің гендерлік құзыреттілігін қалыптастыру

Аннотация

Бұл мақала пәнаралық ықпалдастыру қағидаттарына сүйене отырып, болашақ дене шынықтыру мұғалімдерінің гендерлік құзыреттілігін қалыптастырудың өзекті мәселелері мен даму перспективаларын талдауға арналған. Зерттеудің маңыздылығы қазіргі қоғамда гендерлік рөлдер туралы түсініктердің өзгеруімен, сондай-ақ білім беру үдерісінде тең мүмкіндіктерді қамтамасыз етуге бағытталған заманауи педагогикалық талаптармен және Қазақстанның білім беру жүйесінде гендерлік кемсітусіз, инклюзивті әрі гуманистік орта қалыптастыру ұмтылысымен айқындалады. Зерттеудің негізгі мақсаты – интегративті тәсіл негізінде болашақ мамандардың гендерлік құзыреттілігін тиімді қалыптастыру жолдарын айқындау. Жұмыста гендерлік құзыреттіліктің құрылымы мен компоненттерін теориялық тұрғыда негіздеу, оның қалыптасу деңгейін эмпирикалық бағалау, сондай-ақ педагогикалық жағдайлар мен технологиялардың тиімділігін анықтау қарастырылған. Гендерлік құзыреттілікті қалыптастырудың ақпараттық-талдамалық, практикалық-бағдарлы және рефлексиялық-қорытынды кезеңдерден тұратын үлгісі ұсынылады. Эксперименттік деректер мен Студенттің t-критерийі негізіндегі статистикалық талдау интегративті тәсілдің дәстүрлі оқытуға қарағанда тиімді екенін дәлелдеді. Зерттеу нәтижелері болашақ мұғалімдерді даярлау сапасын арттыруға және әдістемелік ұсынымдарды жетілдіруге мүмкіндік береді.