Дене шынықтыру және спорт мамандарын инклюзивті білім беру ортасында жұмыс істеуге даярлаудың ерекшеліктері

Аннотация

Мақала инклюзивті білім беру жағдайында жұмыс істеуге дайын дене шынықтыру және спорт маманын даярлау мәселелеріне арналған. Инклюзивті білім берудің теориялық аспектілері қарастырылды, ерекше білім беру қажеттілігі бар тұлғаларға сипаттама берілді, Қазақстан Республикасында орта және жоғары біліммен қамтылған мүмкіндігі шектеулі тұлғаларға білім беру бойынша статистикалық деректер келтірілді. Дене шынықтыру және спорт мамандарын ерекше білім беру қажеттілігі бар адамдармен жұмыс істеуге даярлаудың педагогикалық алғышарттары қарастырылды. Маманның кәсіби қызметке дайындығын көрсететін компоненттер анықталды; педагогтің психологиялық, теориялық және практикалық дайындығына сипаттама берілді; дене шынықтыру және спорт мұғалімінің негізгі функциялары қарастырылды. Инклюзивті білім беру жағдайында жұмыс істеуге қабілетті дене шынықтыру және спорт педагогын даярлау процесінде қалыптасатын құзыреттер бойынша ұсынымдар берілді.