Болашақ эккурсоводтарды даярлауда проблемалық оқыту әдісін қолдану

Аннотация

Экскурсиялық жұмыс шығармашылық сипатқа ие екені күмәнсіз, ол туристермен байланыс, нысанды таныстыру үдерісі немесе жаңа бағытты дайындау болсын, экскурсоводтың кәсіби қызметінің барлық бағыттарында көрінеді. Экскурсияның өзі, философия тұрғысынан, қоршаған әлемді, объективті шындықты, адамның рухани және мәдени іс-әрекетін білу үдерісі. Экскурсия белгілі бір аудиторияны оқытуға бағытталған, бұл үдеріс оқытушы – экскурсоводтың жетекшілігімен жүзеге асырылады. Сондықтан білімді жоғары деңгейде жеткізу үшін экскурсоводтың өзі философияның негіздерін, жалпы әдіснаманы; логиканың, ойлау формалары мен заңдары туралы ғылымды; педагогика мен психологияны білуі қажет. Болашақ экскурсоводтың когнитивтік компоненті оның тұрақты танымдық қызығушылықтары мен жаңа шешімдер іздеу әдістерін білуін көздейді, ал бұл болашақ экскурсоводтың ойлауына мынадай қасиеттер тән болуы тиіс: икемділік, белсенділік, мақсаттылық, кеңдік, тереңдік, сындарлылық, айқындық, дәлелділік, ой-пікірдің логикалығы. Сондықтан экскурсоводтарды оқыту бағдарламасы олардың танымдық белсенділігін ынталандыруы, тыңдаушылардың өнімді ойлауын дамыту және ғылыми дүниетанымдарын қалыптастыру керек. Сондықтан, оқыту бағдарламасы аудитория алдында экскурсиялық өнімді әзірлеу үшін қажетті іс-әрекет тәсілдерін түсінуге көмектесетін бірқатар оқу міндеттерін қою керек.