"Дене шынықтыру және спорт" білім беру бағдарламасы бойынша Coursera жобасын жүзеге асыру

Аннотация

Coursera заманауи білім беру үрдістеріне және студенттердің оқуға деген көзқарасына оң әсер етеді. Зерттеудің мақсаты – университетте Coursera жобасын енгізу үдерісін сипаттау және оның болашақ дене шынықтыру мұғалімдерінің оқу үлгеріміне әсерін анықтау. Зерттеу барысында авторлар теориялық әдістерді, соның ішінде әдебиеттерге шолуды, Coursera онлайн курстарының мазмұнын талдауды, құжаттарды талдауды және педагогикалық эксперимент пен бақылау сияқты эмпирикалық әдістерді пайдаланды. Сонымен қатар, эксперименттік және бақылау топтарын салыстыру үшін параметрлік емес Манн-Уитни U-критериі және SPSS Statistics 27.0 бағдарламалық құралы сияқты статистикалық әдістер қолданылды. Бұл зерттеуге Әлкей Марғұлан атындағы Павлодар педагогикалық университетінің «Дене шынықтыру және спорт» білім беру бағдарламасының 1-2 курсының 86 студенті қатысты. Ұсынылған деректер 6 онлайн курстың оқу нәтижелері негізінде талданды. Сонымен, эксперименттік топтағы студенттер икемді дағдыларды меңгеруге дайын екендіктерін көрсетті, бейімділік пен онлайн білім беру қызметіне қызығушылық танытты. Педагогикалық эксперименттен кейін эксперименттік топтағы оқу үлгерімі 9,3 %-ға жақсарды.