Бұл ФИЗИКАЛЫҚ ОҢАЛТУДЫҢ ЗАМАНАУИ ТЕХНОЛОГИЯЛАРЫН ҚОЛДАНУДЫҢ ПСИХОЛОГИЯЛЫҚ ЕРЕКШЕЛІКТЕРІ
DOI:
https://doi.org/10.48114/2306-5540_2023_1_69Түйін сөздер:
физикалық жаттығу, физикалық оңалту, тірек-қимыл қозғалысында ахаулық бар балалар, физикалық жаттығуларға бейімделу, инновациялық оңалту әдістер, қозғалыс дағдылары.Аннотация
Мақалада физикалық оңалтудың заманауи технологияларын қолданудың тиімділігі мен оның психологиялық ерекшеліктеріне талдау жасалған. Жалпы зерттеулерге талдау жасау кезінде оңалту, оңалту түрлері (физикалық, медициналық, психоэмоционалдық) анықталған, физикалық оңалту ерекшеліктеріне сипаттама жасалған. Оңалтуды бөлінісі (белсенді, баяу және психологиялық реттеу) деп берілген, сондай ақ әр топ сипаттамалық ерекшеліктері көрсетілген. Нақты оңалту түріне сәйкес мақсаттық мүмкіндіктері мен нақты ұстанымдары берілген, оған сәйкес оңалту шаралар кешенін уақытылы қолдану, әсер етудің үздіксіздігі, кешенділік, ағза мен алған жарақат ерекшелігін ескеру сынды ұстанымдары белгіленген. Жалпы оңалту жұмысы кезіндегі физикалық жаттығулардың маңыздылығы айқын екендігі, сондай ақ оның тірек-қимыл қозғалысында бұзылысы бар балалар үшін нәтижелі болу үшін, қайталану жиілігі, уақыт ұзақтығы, реттілігі мен маман бақылауының өзектілігі негізделген. Балалардың оңалту жұмыстарын жүргізудегі маңызды ғылыми зерттеулердің бағыттары мен негізгі нәтижелеріне талдау жасалған. Оларға заманауи технологиялар, тексеруден өткен, сыналған техникалық аппараттардың тиімді қолданылуы, тірек-қимыл қозғалысында бұзылысы бар балалармен жұмыс ерекшеліктеріндегі психологиялық мүмкіндіктер, қозғалыс ерекшеліктері мен ми мүмкіндіктердің байланысы, физикалық жаттығулар әсері талданған.
