Шет елдер мен Қазақстанның жоғары оқу орындарында студенттердің дене шынықтыру және спортпен шұғылданды ұйымдастырудың салыстырмалы талдауы

Аннотация

Мақалада Қазақстан мен шет елдердің (АҚШ, Ұлыбритания, Австралия, Қытай, Ресей және басқа елдер) жоғары оқу орындарында студенттердің дене шынықтыру және спортпен шұғылдануын ұйымдастырудағы салыстырмалы шолу талдауы ұсынылған. Қазақстанның жоғары оқу орындарында дене шынықтыру және спорт жүйесін басқару мәселесі жаңа білім беру технологияларын енгізу және білім беру саласындағы қызметтерді тұтынушы ретінде студент жастардың қойған талаптарының өзгеруі жағдайында жаңа форматқа ие болуда. Қазақстанның жоғары оқу орындарында дене шынықтыру, спорт жұмыстарын жүзеге асыру деңгейін арттыру білім беру жүйесін жаңғыртудың қазіргі заманғы үрдістері шегінде, оның ішінде «Дене шынықтыру» пәнін оқытуды ұйымдастыруды қозғайтын шет елдік жоғары оқу орындарының оң тәжірибесіне бағдарлануы тиіс, бірақ бұл ретте алдыңғы жылдардағы жинақталған педагогикалық тәжірибені және ұлттық ерекшеліктің ықпалын есепке алуы тиіс. Бұл ретте негізгі факторлар жоғары оқу орындарының осы бағыттағы инновациялық тұжырымдамасының дамуына әсер ететін студенттердің дене шынықтыру, спорт қызметінің мотивациялық аспектілері болуы тиіс.