Интеллектуалды спорт түрлерімен шұғылданудың мектеп оқушыларының ақыл-ой қабілетіне ықпалы (Семей қаласының физика-математика бағытындағы Назарбаев Зияткерлік мектебі оқушылары мысалында)
DOI:
https://doi.org/10.48114/2306-5540_2024_1_101Түйін сөздер:
интеллектуалды спорт, көру-моторлық реакция, Ландольт сақинасы, психофизиологиялық даму, ақыл-ой өнімділігі, зейін.Аннотация
Мақала Семей қаласының физика-математика бағытындағы Назарбаев Зияткерлік мектебі 12-13 жас аралығындағы оқушылардың интеллектуалдық спорт түрлерімен шұғылдануы мен ақыл-ой қабілеттері арасындағы байланыс зерттелген. Жұмыста оқушыларды Ландольт сақинасы сынамасы арқылы олардың тапсырманы орындау дәлдігі коэффицентінің, ақыл-ой өнімділігінің коэффициентінің, көру ақпараты көлемінің және ақпаратты өңдеу жылдамдығының орташа көрсеткіштері қарастырылған. Алынған мәліметтерде интеллектуалды спорт түрлерінің (шахмат, тоғызқұмалақ, дойбы) оқушылардың зейін, ақпаратты өңдеу жылдамдықтарына жағымды ықпал ететіндігі негізделген. Педагогика, психология, спорттық физиология ғылымдарының тоғысында орындалған зерттеу жұмысы бүгінгі таңда Қазақстанда күн тәртібінде тұрған әлеуметтік маңызы зор мәселенің бірі – халық денсаулығы мен білім беру мәселелеріне бағытталған. Мақала соңғы уақытта әлеуметтік өзгерістер мен білім беру мазмұнының жаңаруымен байланысты ерекше мәнге ие болып отырған оқушылардың ақыл-ой қабілеттерін сақтау, қолдау мен дамытудағы интеллектуалдық спортттың рөліне арналған.
