Жасөспірім баскетболшыларды жарысқа дайындау барысында әдіс-тәсілдік әрекеттерінің есебін (бақылау) жүргізу әдістері

Аннотация

Бұл мақалада еліміздегі жасөспірімдер арасында баскетбол спортының даму қарқыны мұқият зерттеліп, дене шынықтыру мұғалімдерімен сұхбат жүргізу арқылы мектептерде баскетбол үйірмесінің тиісті деңгейде жүргізілмеуі мәселе ретінде қарастырылады. Ал, жүргізіліп жатқан баскетбол үйірмелеріндегі жасөспірім баскетболшылардың жарыстар алдындағы әдіс-тәсілдік әрекеттерін шынайы бағалау үшін есепке алудың (бақылаудың) ең тиімді нұсқасы ұсынылады. Жаттықтырушыға бұл әдісті қолдану арқылы күнделікті оқу-жаттығу үдерісіне өзгерістер енгізіп, баскетболшылардың шеберлігін арттырып, артықшылықтары мен кемшілік тұстарын бақылап отыруға үлкен мүмкіндік туатындығы баяндалады. Отандық және шетелдік ғалымдардың осы тақырып аясындағы еңбектеріне жан-жақты талдау жүргізіліп, ойын барысында ойыншылардың әдіс-тәсілдік әрекеттерін жазудың әртүрлі әдістерін (графикалық жазба, бейнежазба, стенографиялық жазба) қолдануға болатындығы зерделенді. Авторлар ұсынған есепке алу (бағалау) карточкасы арқылы жасөспірім баскетболшының әдіс-тәсілдік әрекеттері және команданың шабуыл мен қорғаныстағы қимыл әрекеттерінің саны мен сапасын анықтап, жалпы және арнайы дене дайындықтары мен дене қабілеттерінің әлсіз тұстарын жетілдіру бағытында оқу-жаттығу процесін дұрыс жоспарлауға мүмкіндік береді. Сонымен қатар, жаттықтырушы оқу-жаттығу сабақтарында жасөспірім баскетболшыларды жауапты жарыстарға дайындау барысында әдіс-тәсілдік әрекеттерді монотонды емес, жаттығуларды түрлендіріп, үнемі өзгертіп, спортшылардың әдіс-тәсілдік әрекеттерінің есебін жүргізуді негізге алып отырса үздік нәтижеге жетуге болатындығы тәжірибе жүзінде дәлелденеді.