Дене шынықтыру сабақтарында бастауыш сынып оқушыларына ұлттық ойындар арқылы жалпыадамзаттық құндылықтарды қалыптастыру
DOI:
https://doi.org/10.48114/2306-5540_2023_2_91Түйін сөздер:
бастауыш сынып оқушысы, жалпыадамзаттық құндылықтар, ұлттық ойындар, дене шынықтыру үдерісі.Аннотация
Дене шынықтыру сабақтарында бастауыш сынып оқушыларына ұлттық ойындар арқылы жалпыадамзаттық құндылықтарды қалыптастыру мәселесін зерттеу кезінде, дене мәдениеті сабақтарының жалпы адами дамудағы қоғамдық, денелік және психологиялық өзектілігі ғылыми-әдістемелік әдебиеттерді талдау негізінде көрсетілді. Философиялық, педагогикалық ғылымдары, дене мәдениеті және спорт саласы бойынша құндылық ұғымына анықтама берілді. Дене мәдениетінің құндылықтарының негізгі үш бағыты көрсетілді: материалдық, көркемдік, рухани-адамгершілік. Ұлттық ойындардың мазмұндық ерекшеліктерінің сипаттамасы мен негізгі типтері, жіктемесі, талдамасы берілді. Дене шынықтыру сабақтарында бастауыш сынып оқушыларына ұлттық ойындар арқылы жалпыадамзаттық құндылықтарды қалыптастырудың жағымды ортасы тек үйлесімді түрде ұйымдастырылған қоғамдық, мектеп, отбасы ортасы арқылы қамтамасыз етіледі. Зерттеу барысында бастауыш сынып оқушыларымен дене шынықтыру сабағында жүргізілген ойын түрлерінің мүмкіндіктері көрсетілді.
