Түркия Республикасы бұқаралық спортының білім берудегі алатын орны

Аннотация

Аңдатпа. Бұл мақалада Түркия Республикасындағы бұқаралық спорт шаралары, бұқаралық спорттың әлемдік деңгейдегі жағдайы мен білім берудегі алатын орны жайында баяндалды. Аталмыш ғылыми мақалада зерттеудің жүзбе-жүз сұхбаттасу әдісі қолданылды. Респондент ретінде зерттеу тақырыбын толық меңгерген, Түркия Республикасының бұқаралық спорт саласын жан-жақты білетін арнайы мамандар мен профессорлар қатыстырылды. Адамзаттың жаратылысынан бүгінгі күнге дейін онымен тығыз байланыста жүретін спорттың шектеулі түрде анықтамасы жоқ. Себебі спорттың мүмкіндігі де, адам ағзасына тигізер пайдасы да шексіз. Спорт ретінде қабылданған ойындар, қимыл-қозғалыстар мен жарыстар уақыт өткен сайын даму мен жетілдіру үстінде. Спорт – бала үшін, спорт – жас пен кәрі үшін, спорт – мүмкіндігі шектеулілілер үшін, спорт - ер мен әйел үшін, спорт – бай мен кедей үшін, спорт – бұқара халық үшін. Бұқаралық спорт – барша халықты дене жаттығулары мен спорттық шараларға қатыстыруды және кез келген адамның, бала кезінен өмірінің соңына дейін өмір сүру сапасын арттыруды, дені сау, бақытты өмір сүруін мақсат етеді.

Түйін сөздер: Түркия Республикасы, бұқаралық спорт, салауатты өмір сүру салты, білім беру.