Профессор Мұратхан Тәнекеевтің дене тәрбиесі мен ұлттық спортты дамытудағы ағартушылық идеяларының жүзеге асырылуы
DOI:
https://doi.org/10.48114/2306-5540_2023_2_51Түйін сөздер:
Ұлттық спорт, ұлттық ойындар, дене шынықтыру және спорт, тағылым, адамгершілік, еңбексүйгіштік, адами қасиеттер, оқу-тәрбие үдерісі, ағартушы.Аннотация
Бұл мақалада қазақ халқының дене тәрбиесі мен спорт саласындағы көрнекті ғалымы, педагогика ғылымдарының докторы, профессор М.Тәнекеевтің ғалыми-педагогикалық мұрасын, дене тәрбиесі мен ұлттық спортты дамытудағы тағылымдық идеяларын жүзеге асыру бағыттары қарастырылады. Ғалымның ғылыми еңбектерін зерделеп, жас ұрпаққа насихаттау жолдары нақтыланады. Профессор М.Тәнекеевтің ұлттық спорт пен дене тәрбиесін ұйымдастырудағы ізденістерін, тарихи-педагогикалық ой-пікірлерін жүйелеу және жаңа бағытта оқу-тәрбие үдерісіне ендірудің педагогикалық тиімділігі көрсетіледі. Колледж студенттеріне арналған «Тәнекеев тағылымы» атты арнайы курстың бағдарламасы жасалып, тәжірибеге енгізілді. Тәжірибе барысында студенттерді Мұратхан Тәнекеевтің шығармашылығымен терең таныстыра отырып, ондағы педагогикалық көзқарасын кеңінен талдаумен қатар, ғалымның шығармашылық мұрасы негізінде жастарды еңбексүйгіштікке, адамгершілікке тәрбиелеу бағытында жұмыстар жүргізілді. М.Тәнекеевтің ғылыми-шығармашылығындағы аса құнды еңбегі «Қажымұқан» кітабы. Осы кітап арқылы палуанның бойындағы Отансүйгiштiк, достық, сыйластық, адалдық, кiшпейiлдiлiк, туған жер мен тiлге зор құрмет сияқты асыл қасиеттер мен тұлғалық ерекшелiктерді дәріптеп, өскелең ұрпақтың бойына сіңіруге үндейді. Мақалада осы мәселелер жан-жақты баяндалады.
