Ұлы Жібек жолының мәдени мұрасы контексіндегі Маңғыстаудың сопылық жерасты мешіттері мен қорымдары: тарихи-туристік әлеуеті

Аннотация

Мақала Батыс Қазақстанның мәдени және тарихи ескерткіштеріне, атап айтқанда жерасты мешіттері мен қорымдарына баса назар аудара отырып, Қазақстан аумағындағы Ұлы Жібек жолының мәдени және туристік әлеуетін зерттеуге арналған. Мақала авторлары мәдени алмасу мен діни өзара әрекеттесудің маңызды орталықтары болып табылатын Маңғыстаудың ең маңызды тарихи-мәдени орындарын сипаттайды. Мақалада мәдени мұраны сақтау және туризмді дамыту құралы ретінде музей-қорықтарының маңыздылығы атап өтіледі, сондай-ақ туристерді тарту үшін туристік маршруттарды құру және инфрақұрылымды жақсарту бойынша ұсыныстар әзірленді. Авторлар мәдени нысандардың ұлттық бірегейлікті қалыптастыру және ЮНЕСКО бастамалары аясындағы халықаралық ынтымақтастықты дамыту көздері ретіндегі маңыздылығын атап көрсетеді. Туристік өнімдерді қалыптастыру үшін мифологиялық және тарихи әңгімелерді пайдалануға ерекше назар аударылады, бұл өз кезегінде нысандардың келушілер үшін тартымдылығын арттыруға және олардың экономикалық құндылығын жоғарылатуға ықпал етеді.