Болашақ педагогтың дене шынықтыру және спорт саласындағы кәсіби құзыреттілігін дамытудың әдіснамалық маңызы

Аннотация

Мақалада әдіснамалық тәсілдерді (жүйелі, жеке, синергетикалық, полисубъектілік) талдау арқылы болашақ дене шынықтыру және спорт педагогының кәсіби құзыреттілігін дамытудың әдіснамалық мәнінің құрылымы ашылған. "Кәсіби құзыреттілік"ұғымына контент-талдау берілді. Кәсіби құзыреттілікті дамытудың психологиялық және педагогикалық аспектілері қарастырылған, оның ішінде белсенділік, дербестік, ынтымақтастық, үздіксіз өздігінен білім алуға дайындық,оқушылармен білім, білік және дағдыларды бөлісуге дайындық. Зерттеу барысында біз үш компонентті бөлдік (мотивациялық, мазмұнды, рефлексивті), сонымен қатар мұғалімнің дене шынықтыру және спорт саласындағы кәсіби құзіреттілігінің жеті негізгі құрамдас бөлігін бөлдік: шығармашылық қабілеттер, эмоционалды құзіреттілік, командада жұмыс істей білу, сыни ойлау, икемді сана, өз бетінше шешім қабылдай білу, рефлексия қабілеті. Диагностикалық зерттеу нәтижелері графикалық элементтер арқылы пайызбен нақты көрсетілді.