Дене мәдениеті және спорт мамандарын дайындаудағы инновациялық амал мүмкіндіктері

Аннотация

Бұл мақалада біз болашақ дене шынықтыру және спорт мамандарын кәсіби негізде
дайындығына инновациялық амалды қолданудың мүмкіндіктеріне талдау жүргіздік. Қазіргі заманауи
талаптарға сәйкес білім беру жүйесінің негізгі даму факторы – білімді ізгілендіру, ал оның басты
бағыттарының бірі инновациялық білім беру болып табылады. Осы орайда зерттеу барысында
болашақ дене мәдениеті және спорт саласы мамандарының дайындығында тиімді негізде
қолданылатын педагогикалық және мазмұндық мәнін анықтаудың инновациялық бағыттарды
ерекшелеп көрсеттік: дене тәрбиесі, салауатты өмір салтын тәрбиелеу, олимпиадалық тәрбие
беру. Педагогикалық технология тек оқыту құралдарын қолдану мүмкіндігі әдістері мен ұйымдастыру
формаларымен шектеліп қалмауы шарт екендігін, осы негізде инновациялық әрекетке даярлық,
инновациялық амал мүмкіндіктеріне терең талдау жасадық. Ғалымдар еңбектерін талдау
негізінде педагогикалық іс-әрекетке дайындық құрылымы келесідей көрсетілді: психологиялық
дайындық педагогикалық іс-әрекетке теориялық дайындық, тәжірибелік дайындық, саяси, идеялық
дайындық, болашақ маман мәдениеті мен дүниетанымының болуы, педагогикалық мүмкіндіктерінің
керекті деңгейінің дамуы, болашақ маман тұлғасының кәсіби бағдарының болуы. Эмпирикалық
зерттеу нәтижелері болашақ мамандар арасында «Болашақ мамандардың жаңалықты қабылдау
мүмкіндігі» атты сауалнама жүргізіп, оның ақпараттық материалдары талдау, саралау, кесте,
сурет, диаграмма әдістерімен сипатталып, төмендегідей қорытынды жасауға мүмкіндік берді:
жалпы зерттеу нәтижесінде педагогикалық инновацияларды қабылдау, инновациялық іс-әрекетті өз
қызметіне, кәсіби әрекетіне ендіруге деген мотивациялық құндылығы орташа, әлі де қызығушылығын
арттыру қажеттілігі бар екенін көрсетті.