Қазақстандағы саятшылық спортының дамуы және оның пайдалы құндылықтарын зерттеу

Аннотация

Бұл мақалада Қазақстанның ежелгі мәдениетінің бірі қазіргі саятшылық (аңшы құстармен және аңшы иттермен аң аулау) спортының даму барысы тарихи кезеңдерге бөлініп көрсетіледі. Қазақстан Тәуелсіз ел болғаннан кейінгі осы саланы дамытуға бағытталған мемлекеттік қолдау мен қорғауға бағытталған заңдар мен шешімдер келтіріліп, саятшылық жеке спорттық түр ретінде дамуы мен өткізілетін жарыстар түрлері бойынша деректері берілген. Мақалада саятшылық спортының ерекшелігі оның қоғамдағы құндылықтары жане табиғатты қорғаудағы пайдасы көрсетіледі. Көшпенді өмір салтына байланысты қазақ халқының аң аулау, жыртқыш құстарды қолдану түрлерінен мысалдар келтіріліп, саятшылықты сақтау және дамытудың жолдары және табиғатты қорғау мәселелеріне тоқталады. Сонымен қатар мақалада саятшылық спортының түрлері мен топталуы, саятшылық спорттың дене тәрбиесіне қажеттілігі және саятшылық спортының тәрбиелік, салт-дәстүрлік құндылықтарын анықтау іске асырылған.