Дене мәдениеті және спорт мамандарын кәсіби қалыптастыруда кәсіби құзыреттілік фактор ретінде

Аннотация

Мақалада болашақ дене мәдениеті және спорт мамандарының кәсіби даярлығын қалыптастыру жолдары мен ерекшеліктерін, негізгі мәселелерін қарастырамыз. Сонымен қатар адамзат әлеуетін әлеуметтік және коммуникативтік жағдайда дамытудағы спорттың рөлін көрсетіп, білім берудегі негізгі бағыт ретінде спорт көп қызметтік жүйе ретінде басты назарға ие екені айтылған. Дене мәдениеті және спорт мамандарын даярлау кезінде еңбек нарығы қажеттілігін, қоршаған қоғам әлеуметтік-экономикалық жағдайын ескеру қажеттігі, өйткені кәсіби даярлық үнемі жаңару жағдайында нақты қоғам қажеттілігін қанағаттандыруы міндетті. Білім беру кеңістігінің осы даму деңгейіне үнемі өзгерістер енгізу мен өз зерттеу аясын кеңейту тән, осыған орай дене мәдениеті мен спорт саласында ұйымдастырушылық құрылымдарды жақсарту мен мамандардың кәсіби даярлығын заманауи инновациялық технологиялар арқылы қамтамасыз ету маңызды. Зерттеу барысында біз негізгі түйінді ұғымдарға теориялық талдау негізінде анықтама беріп, тәжірибелік тұғырда осы сала болашақ мамандарымен жүргізілген сауалнамалық талдау нәтижелерін ұсынып, нәтижесінде даярлау әдістемесі таным үдерісінің үнемі дербес даму, белсенді қатысушысына бағытталуы қажет екендігі тұжырымдалды.