Дене мәдениеті және спорт педагогтерінің инклюзивті тәжірибені іске асыруға кәсіби даярлық мәселелері
DOI:
https://doi.org/10.48114/2306-5540_2023_4_6Түйін сөздер:
болашақ дене мәдениеті және спорт педагогтері, кәсіби даярлық, инклюзивті тәжірибе, инклюзивті құзыреттілікАннотация
Бұл мақала инклюзивті ортаға болашақ дене мәдениеті және спорт педагогтерінің инклюзивті тәжірибені ендіруге даярлық бағыттары мен әдістемелік ерекшеліктерін зерттеуге арналған. Мақала барысында дене мәдениеті және спорт педагогтерінің инклюзивті тәжірибені іске асыруға кәсіби даярлық мәселелері ретінде, жалпы білім мектептерінің инклюзивті тәжірибені іске асыру үшін арнайы құралдармен жабдықталған спорт залдармен қамтылу деңгейін, еңбек етуші дене мәдениеті және спорт педагогтерінің квалификациялық деңгейін, дене мәдениеті және спорт педагогтерінің өз тәжірибесінде ерекше білім беру қажеттілігі бар балалармен жұмыс жасау кезіндегі қиындықтарының деңгейін, ерекше білім алу қажеттілігі бар балалармен қызмет етуде инклюзивті құзыреттілігін арттыру бойынша біліктілік арттыру курстарының деңгейін анықтауға бағытталған. Зерттеуге Астана қаласы бойынша 93 мектеп, 279 дене мәдениеті және спорт педагогтері қатысты. Дене мәдениеті және спорт педагогтерінің инклюзивті тәжірибені іске асыруға кәсіби даярлығы мен жалпы инклюзивті тәжірибені тиімді түрде іске асыру мүмкіндіктері анықталды. Зерттеу нәтижелері бойынша қорытынды жасалып, арнайы ұсыныстар берілді.
